Bolš za 2000 ratavalnikaŭ z 27 krain śvietu pryjechali ŭ Vieniesuełu dla pošuku ludziej pad zavałami paśla dvuch razburalnych ziemlatrusaŭ, jakija adbylisia 25 červienia. Niahledziačy na ciesnuju družbu Alaksandra Łukašenki z byłymi lidarami Vieniesueły, jon abmiežavaŭsia nakiravańniem spačuvańniaŭ.
Maštabnaja humanitarnaja apieracyja prachodzić pry padtrymcy i kaardynacyi Arhanizacyi Abjadnanych Nacyj.
Ahułam zadziejničany 2245 śpiecyjalistaŭ i 140 pošukavych sabak, ich zadača — pošuk i vyzvaleńnie ludziej z-pad abłomkaŭ budynkaŭ, akazańnie pieršaj miedycynskaj dapamohi.
27 krain prysłali svaich vajskovych i cyvilnych śpiecyjalistaŭ — dapamohu nakiravali Hiermanija, Čechija, Ispanija, ZŠA, Francyja, Italija, Vialikabrytanija, Turcyja, krainy Łacinskaj Amieryki i Blizkaha Uschodu.
Taksama siarod ich Litva, jakaja dasłała ŭ Vieniesuełu dźvie kamandy: ratavalnikaŭ (20 pažarnych, 2 kinołahi i 2 miedyki), a taksama miedycynskuju hrupu z 15 daktaroŭ i 5 łahistaŭ, jakija zabiaśpiečvajuć pracu miedykaŭ. Razam ź imi dastaŭlena 6 ton pošukavaha abstalavańnia i 20 ton humanitarnaha i miedycynskaha hruzu.
Alaksandr Łukašenka nakiravaŭ «samyja ščyryja słovy padtrymki ŭsim žycharam Vieniesueły, asabliva achviaram biaźlitasnaj stychii, chto straciŭ blizkich, zastaŭsia biez prytułku».
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary
Oni nam dažie za mapidovskije našije projekty nie zapłatili, kuda im pomohať?
No Baťka naš niezhibajemyj! Tramp vstał na koleni s prośboj o našiem kalii
Uvierien, čto na Kubu Litva by nie posłała. Vot, niedavno na Kubie było ČP v enierhietikie, vyzvannoje amierikanskoj błokadoj. Skolko hierieratorov posłała Litva?