Amierykanski akcior Čeninh Tatum pryjšoŭ na matč Francyja — Narviehija ŭ vobrazie Erlinha Chołanda
Zorka Halivuda zładziła ŭčora cełaje šou na matčy čempijanatu śvietu pamiž Narviehijaj i Francyjaj u Foksbara.
Tatum źjaviŭsia na trybunie ŭ formie zbornaj Narviehii, z doŭhim śvietłym parykom i vidavočna imitavaŭ forvarda narviežcaŭ Erlinha Chołanda. Mnohija zaŭziatary spačatku nie adrazu zrazumieli, što pierad imi nie zorka «Mančeścier Sici», a znakamity akcior, bo Erlinh zastaŭsia ŭ zapasie, źviarnuŭ uvahu Bild.
Heta byŭ nie vypadkovy kaścium: Tatum niadaŭna źniaŭsia ŭ rekłamie Nike jak dvajnik Chołanda i ciapier praciahnuŭ žart užo na stadyjonie. Jon fatahrafavaŭsia z narviežskimi fanatami i viesialiŭsia na trybunach, chacia ŭ samoj zbornaj Narviehii viečar nie zadaŭsia: Chołand prasiedzieŭ uvieś matč u zapasie, a kamanda prajhrała Francyi ź likam 1:4.
Chołand raniej kazaŭ, što jamu padabajecca pieraŭvasableńnie Tatuma.
Zbornaja Narviehii karystajecca šalonaj papularnaściu i ŭ svajoj krainie i za miežami.
Paśla adnaho z matčaŭ hulcy pasieli na futbolnym poli i pačali na manier vikinhaŭ viaślaryć na drakary pad hučnaje «Ru, ru!».
Heta imhnienna stała miemam, i ŭsie stali kapijavać takoje viaślarstva.
Spačatku takoje navat zymitavali ŭ narviežskim parłamiencie
A potym paniesłasia pa ŭsich kantynientach.
U 1/16 finału Narviehija ŭ aŭtorak zhulaje z Kot dJIvuaram.
Tamu kali ŭhledziecie narviežskich fanaŭ na vulicach svaich haradoŭ, «ru, ru» možacie ź imi paŭtaryć.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary