Žycharam Hatava nie pryvykać da śpiecyfičnych pachaŭ: harbarnaja vytvorčaść, blizkaść Šabanoŭ, «adhałoski» iłavych sažałak u Sinile.
Praŭda, apošnim časam miascovym žycharam stała krychu lahčej. Harbarny zavod narešcie zmoh «sucišyć» svaje pachi. Ale nie ŭsio tak prosta. Miascovyja ŭsio jašče sutykajucca z «aramatyčnymi» prablemami, piša Onliber.by.
— Na fonie niadaŭna apublikavanaj naviny pra toje, što harbarny zavod u Hatavie ŭkaraniŭ technałohii ačystki pavietra, jakija pazbaŭlajuć ad niepryjemnaha pachu, a taksama «demanstruje ŭzorny padychod da biezadchodnaj vytvorčaści», chaciełasia b źviarnuć uvahu na toje, što adbyvajecca na terytoryi zavoda zaraz.
Na praciahu ŭžo treciaha tydnia na vulicy, pad daždžom i soncam, staić vialikaja kolkaść paddonaŭ sa skurami. Takoje adbyvajecca nie ŭpieršyniu. Pryblizna miesiac tamu takaja ž kolkaść taksama stajała pad adkrytym niebam kala dvuch tydniaŭ. Usio heta moknie pad daždžom, potym — śpiakota i sonca, i tak pa kruzie. Možna prykładna ŭjavić, jaki tut pach (choć hetaje słova nie samaje ŭdałaje). Ja naležu da liku ludziej, jakija pracujuć u niepasrednaj blizkaści ad zavoda. Da kanca dnia hety pach ubirajecca ŭ vopratku, skuru, vałasy. Uźnikaje zakanamiernaje pytańnie: ci narmalna heta naohuł (pa technałohii, pa ekałahičnaści)? — paskardziłasia čytačka.
Pa kamientar Onliner źviarnuŭsia niepasredna ŭ Minskaje vytvorčaje harbarnaje abjadnańnie. Pa telefonie nam skazali tolki toje, što takim čynam (pad adkrytym niebam) zachoŭvajecca syravina.
Kamientary