Minskaja dziaržaŭtainśpiekcyja prapanavała ŭvieści dadatkovyja abmiežavańni dla hruzavoha transpartu na MKAD. Z takoj inicyjatyvaj na pasiadžeńni kamisii biaśpieki darožnaha ruchu vystupiŭ načalnik UDAI HUUS Minharvykankama Siarhiej Babič.
Prapanujecca zabaranić ruch hruzavych aŭtamabilaŭ z technična dapuščalnaj ahulnaj masaj bolš za 3,5 tony pa druhoj pałasie źniešniaha kalca MKAD na dvuch učastkach:
- ad vulicy Lejtenanta Kižavatava da vulicy Śvisłackaj;
- ad Daŭhinaŭskaha traktu da praśpiekta Pieramožcaŭ.
Pa słovach kiraŭnika staličnaj DAI, adnoj z asnoŭnych pahroz biaśpiecy ruchu na kalcavoj aŭtadarozie zastajucca hruzavy, cichachodny i hramadski transpart. Pry hetym dziejnyja Praviły darožnaha ruchu ŭžo zabaraniajuć hruzavikam ruchacca pa pałosach, raźmieščanych laviej za druhuju.
Dla dadatkovaha źnižeńnia ryzyki darožna-transpartnych zdareńniaŭ prapanujecca abmiežavać ruch ciažkich hruzavikoŭ i pa druhoj pałasie na najbolš zahružanych učastkach źniešniaha kalca.
Raniej haradskija ŭłady paviedamlali pra miery baraćby z zatorami ŭ centry Minska i na MKAD. U pryvatnaści, dla źmianšeńnia kolkaści hruzavoha transpartu na kalcavoj darozie pad Minskam budujecca padjaznaja aŭtadaroha ad MKAD-2 da pramysłovaj zony «Kaladzičy».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ4
Kamientary