U Biełarusi pamianiali dziaržaŭny standart na školnaje adzieńnie. Novyja patrabavańni pačnuć dziejničać z 13 žniŭnia. Standart raspaŭsiudžvajecca na adzieńnie dla vučniaŭ pačatkovaj, bazavaj i siaredniaj škoły. Pry hetym jon nie datyčycca abutku i spartyŭnaj formy.
Dziejny standart na školnaje adzieńnie byŭ uviedzieny ŭ 2018 hodzie, a ciapier jaho abnavili, udakładniŭšy šerah patrabavańniaŭ i terminaŭ.
Adno z hałoŭnych novaŭviadzieńniaŭ — patrabavańnie, kab školnaje adzieńnie, jakoje pretenduje na ŭklučeńnie ŭ śpiecyjalny rejestr biełaruskich vytvorcaŭ, było pašyta na terytoryi Biełarusi. Akramia taho, pry jaho vytvorčaści pavinny pieravažna vykarystoŭvacca tekstylnyja materyjały, vyrablenyja ŭ Biełarusi abo Rasii.
Taksama ŭdakładniajecca, što dla kaściumnaha, sukienačnaha i trykatažnaha adzieńnia nie mienš za 50 pracentaŭ tkanin, trykatažnych pałotnaŭ abo pražy pavinny być biełaruskaj abo rasijskaj vytvorčaści. Heta patrabavańnie dziejničaje dla vytvorcaŭ, jakija chočuć uvajści ŭ aficyjny rejestr školnaha adzieńnia.
Akramia hetaha, standart staŭ bolš strohim u častcy patrabavańniaŭ da jakaści pradukcyi. U pryvatnaści, pavyšanyja normy tryvałaści tkaniny i jaje ŭstojlivaści da ŭtvareńnia hałačak.
Taksama standart ciapier vykarystoŭvajecca pry dobraachvotnaj siertyfikacyi školnaha adzieńnia. Na jaho asnovie budzie farmiravacca internet-rejestr biełaruskich vytvorcaŭ, pradukcyja jakich adpaviadaje ŭstanoŭlenym patrabavańniam. Hety resurs pryznačany dla taho, kab škoły i baćki mahli atrymać aktualnuju infarmacyju pra ajčynnych vytvorcaŭ.
Z 1 vieraśnia 2025 hoda dziełavy styl adzieńnia staŭ abaviazkovym dla biełaruskich školnikaŭ. Heta patrabavańnie zamacavana ŭ abnoŭlenym Kodeksie ab adukacyi.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ10
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
32 hady svaim vytvorcam siertyfikat na tkaninu na kožnuju partyju...ch.ia z Kiturcyja z.zachada- uschoda zaraz " wb"ińšy aliazon biez abmiežavańnia ....
Jašče ni usiu lohkuju pramysłovaść vyrab abutka źniščyli ...???