Žychar Homiela, jaki padčas navalnicy pierachodziŭ piešachodny most pamiž mikrarajonami Stary Aeradrom i Sielmaš, vypadkova źniaŭ na videa ŭdar małanki, što adbyŭsia zusim blizka ad jaho, piša «Mieteavajb».
Na zapisie vidać, jak most zalivaje mocny doždž, a paryvisty viecier dźmie zboku. U niejki momant usio navokał na imhnieńnie aśviatlaje jarkaja ŭspyška, paśla čaho adrazu razdajecca mahutny hrom. Miarkujučy pa videa, małanka ŭdaryła zusim pobač z aŭtaram zapisu.
Paśla mocnaj navalnicy ŭ Homieli haradskija słužby praciahvajuć likvidavać jaje nastupstvy. U rajonie aŭtavakzała i adździaleńnia «Biełpošty» adpampoŭvali vadu z padtoplenych terytoryj. Taksama paviedamlałasia, što byŭ parušany ruch transpartu pa vulicach Internacyjanalnaj, Savieckaj, Jafremava, a taksama pa praśpiektach Lenina i Pieramohi, ale jon užo adnoŭleny.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary
Kali na jaki BiełTA spasyłka budzie, a na amatarskija biełaruskija prajekty i staronki biełarusaŭ u sacsietkach - nie.
Dyk voś, znutry jana žoŭta-załataja j bliskučaja, nakryvaje, jak niby tumanam, dy tak, što ničoha naŭkoł nia bačyš, zusim. Ja śpiarša pačuŭ tuzin alarmaŭ aparatury, jakoj tam było šmat, i tolki cieraz 3-5 siekund ubačyŭ śpiarša ich vizualnyja sihnały, a potym i samo abstalavańnie ! Usio daviałosia pierazapuskać, i dziakuj Bohu paśpiachova, ničoha nie zhareła j nie admoviła, akrom adnoj nia značnaj pryłady, jakuju daviałosia zamianić całkam.
Darečy, kali małanka bje pobač, jana zusim nie takaja, nitkapadobnaja, a prykładna, jak kamiel dobraha dreva.