Sieryja ŭdaraŭ ciahnułasia niekalki hadzin, a Iran, u svaju čarhu, nanios svaje ŭdary pa tankierach u Armuzskim zalivie.
Fota: U.S. Central Command via AP
Unočy 14 lipienia ZŠA pačali nanosić udary pa Iranie treciuju noč zapar, paviedamiła Centralnaje kamandavańnie ZŠA. Pavodle infarmacyi CENTCOM, apieracyja była nakiravana suprać iranskaj vajennaj infrastruktury z metaj źnizić mahčymaści Tehierana atakavać sudny ŭ Armuzskim pralivie.
Učora Tramp zajaviŭ, što ZŠA majuć namier nanieści vielmi mocnyja ŭdary pa Iranie, zajaviŭ Tramp.
«Siońnia my naniasiom pa ich vielmi mocny ŭdar, i zaŭtra taksama naniasiom pa ich mocny ŭdar, i jany ničoha nie zmohuć z hetym zrabić. U ich ničoha niama».
Amierykanski lidar taksama dapuściŭ, što ZŠA «davoli chutka» mohuć zbambavać iranski jadzierny abjekt u Natanzie.
Pad ranicu pa biełaruskim časie Złučanyja Štaty zaviaršyli ŭdary pa Iranie, źniščyŭšy vajskovyja abjekty ŭ šaści haradach, vynikaje z zajavy Centralnaha kamandavańnia Uzbrojenych sił ZŠA (CENTCOM), apublikavanaj u sacyjalnaj sietcy X.
«CENTCOM zakončyła apošniuju chvalu ŭdaraŭ pa Iranie a 22:15 pa ŭschodnim časie 13 lipienia (5:15 pa Minsku). Padčas piacihadzinnaj apieracyi amierykanskija vojski paśpiachova nanieśli ŭdary pa vajskovych abjektach na terytoryi Irana, u tym liku ŭ Bušyry, Čabachary, Džasku, Kanaraku, Abu-Musie i Biender-Abasie», — havorycca ŭ paviedamleńni.
Udary vysokadakładnymi bojeprypasami nanosilisia pa sistemach bierahavoj abarony, rakietnych ustanoŭkach, abjektach bieśpiłotnaj avijacyi i marskich srodkach, kab abmiežavać mahčymaści Irana atakavać kamiercyjnyja sudny ŭ rehijonie, adznačyli pradstaŭniki amierykanskich vajskoŭcaŭ. Pavodle dadzienych CENTCOM, ciapier na Blizkim Uschodzie znachodzicca bolš za 50 tysiač amierykanskich vajskoŭcaŭ, jakija zachoŭvajuć bajavuju hatoŭnaść u rehijonie.
Tramp paźniej napisaŭ, što źniščana da 84 pracentaŭ iranskaha patencyjału pa vytvorčaści ŭzbrajenńniaŭ.
U tuju ž noč iranskija kryłatyja rakiety atakavali tankiery, jakija naležać Abjadnanym Arabskim Emiratam. Sudny Mombasa i Bahia byli paškodžanyja ŭ terytaryjalnych vodach Amana.
U vyniku ataki na Mombasa zahinuŭ hramadzianin Indyi, jašče vosiem čałaviek, siarod jakich hramadzianie Indyi i Ukrainy, atrymali ranieńni.
Adkaznaść za ataku ŭziaŭ na siabie Korpus vartavych isłamskaj revalucyi. Pavodle viersii iranskich vajskoŭcaŭ, sudny AAE adklučyli navihacyjnyja sistemy, praihnaravali papiaredžańni i byli paškodžanyja pry sprobie prajści praz zabaronienuju zonu. U KVIR taksama zajavili, što pierad hetym ZŠA sprabavali zabiaśpiečyć prachod tankieraŭ praz Armuzski praliŭ.
Kamientary