11‑hadovy chłopčyk u Minsku pavieryŭ machlaram i addaŭ im baćkoŭskija źbieražeńni
Spačatku školniku patelefanavali ŭ vajbiery nibyta supracoŭniki MTS.
Na padstavie padaŭžeńnia damovy na vykanańnie pasłuh suviazi jany pierakanali chłopčyka nazvać kod z SMS-paviedamleńnia. Praź niekatory čas znoŭ patelefanavali — užo nibyta supracoŭniki milicyi, paviedamlaje «Milicyja Minska».
Ašukancy zajavili, što z-za pieradačy koda złačyncy nibyta aformili kredyty na nieviadomych asob. Kab «vypravić situacyju» i paźbiehnuć adkaznaści, školnika pierakanali nikomu nie raskazvać pra toje, što adbyvajecca, i vykonvać usie ich ukazańni.
Na nastupny dzień paśla sieryi zvankoŭ chłopčyk sabraŭ usie hrošy, jakija zachoŭvalisia doma, — 8 200 rubloŭ — i pa ŭkazańni machlaroŭ adnios ich pa nazvanym adrasie, dzie pieradaŭ kurjeru.
Asoba kurjera była ŭstanoŭlena. Im akazaŭsia 18‑hadovy zamiežny student.
Niezadoŭha da hetaha jon sam trapiŭ pad upłyŭ telefonnych machlaroŭ.
Małady čałaviek zabraŭ hrošy ŭ školnika, unios ich na bankaŭskuju kartku, aformlenuju pa prośbie ašukancaŭ, paśla čaho pieradaŭ im rekvizity rachunku. Hrošy źnikli.
Baćki chłopčyka źviarnulisia ŭ milicyju.
Kamientary
Ja vam nakont hetych "źbieražeńniaŭ" užo rabiŭ zaŭvahu, vypravili, i voś znoŭ. Budzie, jak z tymi "hramadzianskimi abjektami", jakija vy pastajanna vypraŭlajecie, ale zapomnić adroźnieńnie siemantyki słovaŭ "hramadzianski" i "cyvilny" vam nijak nie ŭdajecca?
"sierdiečno prihłašajem otsiuda" ?