Kolki prosiać?
Jašče ŭčora Aryna Sabalenka adkryvała tenisnyja korty ŭ Minsku razdavała aŭtohrafy, a siońnia adzin ź ich užo pradajuć na biełaruskim markietplejsie, piša Onliner.by.
U aŭtorak pieršaja rakietka śvietu adkryła niekalki tenisnych placovak pobač sa škołaj №86 u zavułku Kazłova, praviała majstar-kłas i, viadoma, razdavała aŭtohrafy. Choć pašancavała nie ŭsim: raśpisałasia daloka nie kožnamu z prysutnych.
Nieŭzabavie paśla zaviaršeńnia mierapryjemstva karystalniki Threads zaŭvažyli, što chtości ŭžo vystaviŭ kartku z aŭtohrafam Aryny na prodaž u Internecie. Pradaviec canu nie nazyvaje, a prosić prapanoŭvać svaje varyjanty ŭ asabistaj pierapiscy.
Kali vieryć adnamu sa skrynšotaŭ, apublikavanych u Threads, uładalnik kartki admoviŭsia pradavać jaje za 10 rubloŭ, zajaviŭšy, što jamu ŭžo prapanoŭvali 500.
Da prodažu aŭtohrafa karystalniki sacsietki pastavilisia pa-roznamu. Voś niekalki paviedamleńniaŭ:
«Asabista ja nie baču kaštoŭnaści ŭ kuplenym aŭtohrafie. Typu sens ź jaho? Tut važnaja emocyja, što pryjšoŭ, ubačyŭ, uziaŭ aŭtohraf. Ale ludzi chočuć nažycca na ŭsim. I, dumaju, znojducca tyja, chto kupić»»
«Adny drennyja słovy ŭ hałavie, u mianie dva aŭtohrafy, jakija jana mnie tam i padpisała pry mnie. Ale ja ich u žyćci nie pradam, ale tut navat nie heta, sumna, što dzieci/ludzi, jakija nie zmahli atrymać navat adzin aŭtohraf tam, vymušanyja bačyć voś heta».
«Dla kahości heta była sustreča žyćcia, i jon na jaje nie zmoh trapić, asabliva za dziaciej kryŭdna. A niechta išoŭ pa aŭtohraf, kab na nastupny dzień baryžyć im ža…».
Žurnalist Onliner napisaŭ pradaŭcu i toj paćvierdziŭ, što hatovy pradać kartku za 500 rubloŭ.
Taksama nibyta pradajecca i tenisny miačyk.
«Za paŭhadziny — 350 aŭtohrafaŭ». Jak Aryna Sabalenka adkryvała ŭ Minsku tenisnyja korty
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA
Voś na jakim samalocie Aryna Sabalenka i Hieorhijas Franhulis prylacieli ŭ Minsk
Aryna Sabalenka z žanichom i sabakam prylacieli ŭ Minsk čartarnym rejsam. Ich sustreli narodnymi tancami i karavajem
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary
I asabliva ŭ vialikim tenisie, dzie vielmi patrebny hrošy. Kali juny spartoviec ci jaho svajaki znojdzie pakupnika, jaki addaść 500 rublej, to vydatna. Usie buduć zadavolenyja, tak pracuje ekanomika popyta i prapanovy ŭ śviecie.
Dadamo, što hetyja hrošy ź vialikaj vierahodnaściu pojduć na pakupku novaha abstalavańnia ci padarožža mahčymaj novaj zorki tenisa.
Čym heta drenna?