Viarchoŭnaja Rada prahałasavała za pryznačeńnie Siarhieja Kareckaha premjer-ministram Ukrainy
Za hetaje rašeńnie prahałasavali 289 deputataŭ, piša RBK-Ukraina.
Siarhiej Karecki kiravaŭ pierad hetym «Naftahazam Ukrainy», jon źmianiaje nie pasadzie Juliju Śvirydzienka.
Kareckamu 48 hadoŭ, Zialenski ŭčora kazaŭ, što jon najbolšaja imaviernaja kandydatura na pasadu premjera.
Pieršyja surjoznyja pasady zajmaŭ u hrupie kampanij «Kantynium». U 2013 hodzie jon pierajšoŭ na pasadu hienieralnaha dyrektara sietki AZS WOG, jakaja naležała «Kantyniumu».
U vialiki biznes jon viarnuŭsia paśla taho, jak dziaržava nacyjanalizavała kampanii «Ukrnafta» i «Ukrtatnafta». Jon uznačaliŭ abiedźvie kampanii i, jak śćviardžajuć surazmoŭcy vydańnia, paśpiachova pracavaŭ na hetych pasadach.
U pačatku 2025 hoda Karecki padaŭ svaju kandydaturu na pasadu kiraŭnika «Naftahaza» i pieramoh u konkursie. Pad jaho kiraŭnictvam kampanija, jakaja tolki što prajšła ciažki aciaplalny siezon 2024—2025 hadoŭ, pačała nazapašvać haz na nastupnuju zimu. Karecki taksama adkazvaŭ za pošuk kredytoraŭ dla hetaha.
Zialenski prapanoŭvaŭ jamu ŭznačalić Ministerstva enierhietyki, adnak Karecki admoviŭsia, pierakanaŭšy prezidenta, što jamu varta zastacca ŭ «Naftahazie» napiaredadni zimovaha siezona.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary
Nie pieršy raz takaja situacyja, na rasiejskamoŭnyja krynicy spasyłki dadajucca, a na inšyja nie zaŭsiody.