Stała viadoma, kaho Zialenski choča pryznačyć ministram abarony. Ale jaho treba jašče zvolnić z vojska
Prezident Ukrainy Uładzimir Zialenski paviedamiŭ, što paśla zaviaršeńnia nieabchodnych jurydyčnych pracedur płanuje ŭnieści ŭ Viarchoŭnuju Radu dla pryznačeńnia na pasadu ministra abarony krainy kandydaturu Jaŭhiena Chmary.
Jaŭhien Chmara — hienierał-major Słužby biaśpieki Ukrainy. Z 2011 hoda jon prachodzić słužbu ŭ Centry śpiecyjalnych apieracyj «A», bolš viadomym jak padraździaleńnie «Alfa». U 2023 hodzie jon uznačaliŭ hetaje śpiecyjalnaje padraździaleńnie.
Paśla pačatku poŭnamaštabnaha rasijskaha ŭvarvańnia va Ukrainu Chmara ŭdzielničaŭ u abaronie Kijeva i bajavych dziejańniach pa vyzvaleńni Kijeŭskaj vobłaści. Paśla hetaha vykonvaŭ bajavyja zadačy na Danieččynie.
Za hady słužby Jaŭhien Chmara byŭ uznaharodžany ordenami Bahdana Chmialnickaha I, II i III stupieniaŭ, ordenam «Za mužnaść» III stupieni, a taksama adznakaj Prezidenta Ukrainy «Kryž bajavych zasłuh».
Pavodle Słužby biaśpieki Ukrainy, padraździaleńnie «Alfa» pad jaho kiraŭnictvam pravodzić śpiecyjalnyja apieracyi jak na linii frontu, tak i ŭ hłybokim tyle praciŭnika.
Pavodle dziejnaha ŭkrainskaha zakanadaŭstva ministr abarony pavinien być cyvilnaj asobaj. Pakolki Jaŭhien Chmara ciapier źjaŭlajecca dziejnym vajskoŭcam, spačatku nieabchodna źmianić jaho słužbovy status. Mienavita heta i majecca na ŭvazie, što pierad uniasieńniem jaho kandydatury na razhlad Viarchoŭnaj Rady Ukrainy patrebna jašče prajści «nieabchodnyja jurydyčnyja pracedury».
Pasada ministra abarony vyzvaliłasia paśla taho, jak učora pra svaju adstaŭku zajaviŭ raniejšy ministr Michaił Fiodaraŭ. Jon prapracavaŭ na svajoj pasadzie tolki paŭhoda, ale za hety čas dobra siabie zarekamiendavaŭ, tamu zamiena ministra abarony ŭ suviazi sa źmienaj usiaho ŭrada vyklikaje va ŭkrainskim hramadstvie najbolšaje nierazumieńnie.
Zialenski prapanavaŭ novuju pasadu byłomu ministru abarony, ale toj admoviŭsia
Namieśnik kamandujučaha ŭkrainskich VPS padaŭ u adstaŭku praz zvalnieńnie ministra abarony
Zialenski prapanavaŭ Siarhieja Kareckaha na pasadu premjera Ukrainy
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Zialenski pa zakonie nie maje prava pryznačyć Jaŭhiena Chmaru vykonvajučym abaviazki ministra.
Zhidno zakonodavstva Ukrajini vikonuvač obovjazkiv (v.o.) Ministra oboroni v Ukrajini nie priznačajeťsia okriemim nakazom či ukazom. Zamisť ćoho, u razi vidstavki abo źvilnieńnia ministra, joho povnovažieńnia timčasovo vikonuje odin iz joho dijučich zastupnikiv do toho momientu, poki Vierchovna Rada nie priznačiť novoho.
Pryznačajučy Jaŭhiena Chmaru vykonvajučym abaviazki ministra Zialenski parušaje zakony Ukrainy.