Francyja ŭrehulavała 400‑hadovuju terytaryjalnuju sprečku ź Niderłandami
Nacyjanalny schod Francyi ŭchvaliŭ zakon ab ratyfikacyi pahadnieńnia ź Niderłandami, jakoje kančatkova vyznačaje dziaržaŭnuju miažu na karybskim vostravie Sien-Marten. Takim čynam krainy zrabili važny krok da ŭrehulavańnia terytaryjalnaj sprečki, što praciahvałasia amal 400 hadoŭ, piša Politico.
Dakumient zaćviardžaje pahadnieńnie, padpisanaje Francyjaj i Niderłandami ŭ 2023 hodzie, ab dakładnaj delimitacyi miažy pamiž francuzskaj zamorskaj supolnaściu Sien-Marten i niderłandskaj samakiravalnaj terytoryjaj Sint-Marten.
Vostraŭ Sien-Marten raźmieščany ŭ Karybskim mory i padzieleny pamiž dźviuma dziaržavami. Francyi naležyć paŭnočnaja častka vostrava, a Niderłandam — paŭdniovaja. Pry hetym na praciahu mnohich hadoŭ žychary mahli svabodna pieramiaščacca pamiž abiedźviuma terytoryjami, bo faktyčnaj pamiežnaj infrastruktury nie isnavała.
Historyja padziełu vostrava pačałasia jašče ŭ 1648 hodzie, kali Francyja i Niderłandy damovilisia padzialić jaho pamiž saboj. Adnak dakładnaja linija miažy tady nie była vyznačanaja. Na praciahu stahodździaŭ isnavała tolki ŭmoŭnaja miaža, što pieryjadyčna vyklikała roznahałośsi adnosna vydačy dazvołaŭ, dziejnaści pravaachoŭnych orhanaŭ i kiravańnia pryrodnymi resursami, asabliva ŭ rajonie łahuny, jakaja znachodzicca pamiž dźviuma častkami vostrava.
Nieabchodnaść kančatkova vyrašyć hetaje pytańnie stała asabliva vidavočnaj paśla razburalnaha ŭrahanu «Irma» ŭ 2017 hodzie, jaki paškodziŭ bolš za 95 pracentaŭ budynkaŭ na vostravie. Paśla stychijnaha biedstva Paryž i Amsterdam aktyvizavali pieramovy ab jurydyčnym afarmleńni miažy.
Deputat Nacyjanalnaha schodu Francyi Biertran Bujks, jaki pradstaŭlaŭ zakonaprajekt u parłamiencie, zajaviŭ, što Francyja moža hanarycca tym, što zdoleła ŭrehulavać adnu sa svaich najstarejšych terytaryjalnych sprečak.
Dla taho kab pahadnieńnie ŭstupiła ŭ siłu, jaho jašče pavinna ratyfikavać Karaleŭstva Niderłandaŭ. Paśla hetaha novaja miaža atrymaje poŭny jurydyčny status.
Tramp zaklikaŭ Brytaniju nie addavać bazu Dyjeha-Harsija. Jon kaža, što jana moža spatrebicca dla ŭdaraŭ pa Iranie
Źjavicca novaja dziaržava — Novaja Kaledonija
Francyja viartaje Madahaskaru čerap miascovaha karala, jakomu adsiekli hałavu 128 hadoŭ tamu
Francyja pačała vyvodzić svaje vojski ź Sieniehała. Jaje ŭpłyvy ŭ Afrycy ŭsio mienšajuć
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary