Mikałaj Statkievič paviedamiŭ u svaim telehram-kanale, što ŭ Biełastoku vyjšła jaho kniha.
Jon pryvodzić tekst, źmieščany na vokładcy: «Jak ludzi robiać maralny vybar u składanych situacyjach, jak jany robiacca hierojami ci zdradnikami, jak pieratvarajucca ŭ padonkaŭ ci zastajucca sumlennymi ludźmi? Kab dać adkaz na hetyja pytańni, ja musiŭ raźbiracca z čałaviečaj psichałohijaj. Až da instynktaŭ. Ale ŭ litaratury pa temie ŭciamnaha vyznačeńnia čałaviečych instynktaŭ nie znajšłosia, a šmat dzie, ŭvohule, admaŭlałasia ich najaŭnaść u nas, akramia niekalkich vidavočnych prymityŭnych, što całkam piarečyła majmu viedańniu čałavieka. Tamu, u hałoŭnym tekście hetaj knihi, jaki i daŭ joj nazvu, ja musiŭ prapanavać svajo vyznačeńnie našych instynktaŭ dy ich pieralik. A potym, na padstavie hetaha, apisać, jak my robim svoj maralny vybar u składanaj situacyi. Spadziajusia, što razumieńnie hetaha dapamoža čytaču lepiej zrazumieć čałaviečuju sutnaść, siabie i ŭsio, što adbyłosia i adbyvajecca z našaj krainaj i nami».
Mikałaj Statkievič trojčy adbyvaŭ źniavoleńnie.
U 2005 hodzie asudžany da troch hadoŭ abmiežavańnia voli (to-bok «chimii») za arhanizacyju ŭ kastryčniku 2004 hoda ŭ Minsku vuličnaj akcyi suprać aficyjnych vynikaŭ parłamienckich vybaraŭ i refierendumu.
Byŭ zatrymany 19 śniežnia 2010 hoda za ŭdzieł u akcyi suprać falsifikacyi vynikaŭ vybaraŭ-2010 i ŭ mai 2011 hoda i asudžany da 6 hadoŭ kałonii ŭzmocnienaha režymu. Vyjšaŭ na volu 22 žniŭnia 2015 hoda.
Byŭ zatrymany 31 maja 2020 hoda, kali jechaŭ na Kamaroŭku na pikiet Śviatłany Cichanoŭskaj i praz paŭtara hoda, u śniežni 2021 hoda, asudžany na 14 hadoŭ asablivaha režymu.
11 vieraśnia 2025 hoda vyzvaleny pa pamiłavańni i mieŭsia być vydvarany, ale kateharyčna admoviŭsia pakidać Biełaruś i byŭ viernuty ŭ Biełaruś. Vyzvaleny 19 lutaha 2026 hoda. Žyvie ŭ Minsku
12 žniŭnia Mikałaju Statkieviču spoŭnicca 70 hadoŭ.
-
20‑hadovuju dziaŭčynu z ahraradka Makrany na miažy z Ukrainaj asudzili za Hajuna
-
Sabalenku ŭ Minsku achoŭvała kampanija, zasnavanaja byłym hebistam i ŭčastkovym. Na piarednim krai byŭ lehiendarny Ivanyč
-
Polšča rezka źniziła vydaču mižnarodnaj abarony biełarusam. U červieni admoŭ udvaja bolš, čym stanoŭčych rašeńniaŭ
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary