Na aŭkcyjonie Sotheby's u Ńju-Jorku za rekordnyja 50,1 miljona dalaraŭ pradali škilet tyranazaŭra pa mianušcy Has. Heta samaja vialikaja suma, kali-niebudź zapłačanaja za akamianiełyja reštki dynazaŭra. Imia kupca nie raskryvajecca.
Hasa znajšli ŭ 2021 hodzie na ranča ŭ amierykanskim štacie Paŭdniovaja Dakota. Raskopki praciahvalisia try hady, paśla čaho jašče niekalki hadoŭ śpiecyjalisty zajmalisia adnaŭleńniem i zborkaj škileta. Padčas daśledavańnia vyjavili ślady ŭkusaŭ na čerapie i zrosłyja pierałomy rebraŭ, a heta śviedčyć pra toje, što žyviolina atrymała hetyja traŭmy jašče pry žyćci.
Pavodle acenak navukoŭcaŭ, tyranazaŭr žyŭ kala 72—66 miljonaŭ hadoŭ tamu. Zachavałasia 183 kostki, što składaje prykładna 63 pracenty ad poŭnaha škileta. Jaho daŭžynia — kala 11,6 mietra, tamu Has ličycca adnym z samych bujnych i najbolš poŭna zachavanych pradstaŭnikoŭ svajho vidu.
Papiaredni rekord naležaŭ škiletu stehazaŭra, jaki byŭ pradadzieny ŭ 2024 hodzie za 44,6 miljona dalaraŭ.
Častka paleantołahaŭ vykazvaje zaniepakojenaść tym, što ŭsio bolš kaštoŭnych znachodak traplaje ŭ pryvatnyja kalekcyi, a heta moža abmiežavać dostup navukoŭcaŭ da ich vyvučeńnia.
Pradstaŭniki aŭkcyjonnaha doma adznačyli, što vysokaja cana abumoŭlenaja nie tolki ŭnikalnaściu znachodki, ale i vialikaj pracaj, praviedzienaj padčas jaje pošuku, raskopak, navukovaha daśledavańnia i restaŭracyi.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia13
Kamientary
cikavy numar u hetaj naviny
Dyk navošta pradajuć?