Radyjo «Svaboda»: «Biełaruśkalij» pierajšoŭ na skaročany pracoŭny tydzień
Usie słužby pradpryjemstva pracujuć skaročany tydzień: try-čatyry dni. Skaracilisia i zarobki. Čakajecca, što źnižeńnie nahruzki zachavajecca da lutaha nastupnaha hoda, kali buduć zaklučany novyja kantrakty.
Paciarpieli i ŭstanovy, źviazanyja z «Biełaruśkalijem». Tak, siadziać biez zarobkaŭ chakieisty salihorskaha «Šachciora».
«Ničoha z Novaha hoda nie źmianiłasia. Situacyja nie mianiajecca. Tolki paharšałasia. Nichto nas nie słuchaŭ», — kaža trenier «Šachciora» Andrej Husaŭ.
Chakieisty razhladali mahčymaść bajkotu čarhovaj hulni — z kłubam «Viciebsk».
Były kapitan «Šachciora» Juryj Navaranka ŭ pačatku leta syšoŭ u «Homiel». Zaraz źbirajecca atrymać svaje hrošy praz sud. Na dniach u «Homiel» aficyjna pierachodzić jašče adzin chakieist «kratoŭ» — Alaksandr Jaronaŭ.
Zakranuli jany i futboł. Praŭda, kali biedy chakiejnaha «Šachciora» pačalisia ź minułaha studzienia, to ŭ futbolnaha — try miesiacy tamu. Paŭabaronca saliharčan Siarhiej Bałanovič raskazvaje, što ŭ poŭnym abjomie zarobak nie atrymlivaŭ ź lipienia!
«Niejkuju minimalnuju častku płaciać — jakuju pavodle zakona pavinny, jak ja razumieju. A reštu abiacajuć addać paźniej».