Žurnalistaŭ «Hramadskaha TB» vyzvalili
Bajeviki adpuścili supracoŭnikaŭ ukrainskaha «Hramadskaha TB» žurnalistku Anastasiju Stanko i apieratara Illu Biezkaravajnaha.
Zvalnieńnie žurnalistaŭ pakazaŭ u pramym efiry rasijski telekanał «LifeNews».
«Nie bili i nie katavali, a tolki pahražali», - raspaviała Stanko pa telefonie telekanału «Hramadskaje TB».
Raniej lidar samaabvieščanaj «Łuhanskaj narodnaj respubliki» Valeryj Bołataŭ zajaviŭ, što vyrašyŭ vyzvalić uziatych u pałon žurnalistaŭ paśla zvarotu troch rasijskich telekanałaŭ.