U Breście dvoje padletkaŭ pravalilisia pad lod: adzin vyratavany, druhi patanuŭ
Uviečary 25 lutaha dva školniki z Bresta 2000 i 1999 hoda naradžeńnia, znachodziačysia na voziery Vyčułki, hulali pa lodzie.
Vychodziačy na bierah, jany pravalilisia pad lod za 15 m ad bieraha. Małodšaha ź ich vyratavaŭ 25-hadovy mužčyna — śviedka zdareńnia. Padletka pieradali bryhadzie chutkaj miedycynskaj dapamohi, jon špitalizavany ŭ balnicu z papiarednim dyjahnazam «pieraachaładžeńnie». Ciapier jaho stan stabilny.
Patanułaha chłopčyka dastała vadałaznaja słužba na hłybini 4 m.
Ratavalniki zaklikajuć darosłych pahavaryć ź dziećmi. Vychad na tonki lod śmiarotna niebiaśpiečny.