U finał konkursu «Basovišča» trapili «.K», «The Glitchhh», «Intelligency» i «M.G.»
19 lutaha ŭ kłubie Ili prajšło «Adboryšča», na jakim byli abranyja čatyry hurty-finalisty.
10 hurtoŭ i vykanaŭcaŭ trapili ŭ paŭfinał konkursu da fiestyvala muzyki maładoj Biełarusi «Basovišča», jaki prajšoŭ u Minsku. Ź ich žury adabrała čatyry kamandy, jakija paŭdzielničajuć u finale, jaki projdzie na samim fiestyvali ŭ Haradku (Polšča) 22 i 23 lipienia. U ich lik trapili .K,The Glitchhh, Intelligency i M.G. Pieramožcy finału atrymajuć hrašovuju ŭznaharodu, mahčymaść vystupić u druhi dzień festu, harantavanaje miesca ŭ prahramie «Basovišča-2017» dy ratacyju svaich piesień u efiry «Biełaruskaha Radyjo Racyja».
U žury «Adboryšča» uvajšli staršynia BASu Hanna Piakarskaja, Aleh Chamienka, Viktar Siamaška, Maša Jar, Vital Zybluk, Iłona Karpiuk, Chryścina Darapiej, Siarhiej Budkin, mieli pa hołasu taksama pieramožcy «Basovišča-2015» – hurty Navi iTonqixod.