Minčuk spaliŭ čužoje aŭto, kab pahladzieć, jak spracujuć pažarnyja
Milicyjaj zatrymany 25-hadovy minčanin, jaki padazrajecca ŭ padpale aŭtamabila, paviedamlaje pres-słužba Kastryčnickaha RUUS Minska.
U noč z 4 na 5 sakavika kala doma pa vulicy Kirava adbyłosia ŭzharańnie aŭtamašyny marki «Opiel», pryparkavanaj u dvary. U vyniku pažaru aŭto amal całkam zhareła.
Susiednija mašyny byli paškodžanyja ahniom. Praź niekalki hadzin ekśpierty zmahli vyznačyć pryčynu ŭzharańnia — padpał. Zatrymali padazravanaha.
U chodzie pravieračnych mierapryjemstvaŭ apieratyŭniki ŭstanavili, što małady čałaviek pranik u aŭtamabil praź niezačynienyja dźviery z boku kiroŭcy. Z sałona jon zabraŭ fłeš-kartu i kartu horada. Paśla čaho kinuŭ padpalenuju papieru na siadzieńnie kiroŭcy, u vyniku čaho zahareŭsia transpartny srodak. Złamyśnik sam paviedamiŭ apierataru 101 ab uzharańni mašyny. Svoj učynak jon patłumačyŭ tym, što chacieŭ panazirać, nakolki chutka i prafiesijna spracujuć pažarnyja.