Kiraŭnik NATA paćvierdziŭ płany raźmiaścić 4 bataljony ŭ Prybałtycy i Polščy
Kiraŭnik Pientahona Eštan Karter paćvierdziŭ, što NATA razhladaje mahčymaść raźmiaščeńnia čatyroch bataljonaŭ u Łatvii, Litvie, Estonii i Polščy. Pra heta jon zajaviŭ u čas rabočaj pajezdki ŭ Hiermaniju, jak paviedamlaje hazieta Washington Post.
U kancy krasavika hazieta Wall Street Journal paviedamlała, što NATA źbirajecca nakiravać kala čatyroch tysiač čałaviek va Uschodniuju Jeŭropu dla ŭzmacnieńnia abarony miežaŭ z Rasijaj.
Namieśnik ministra abarony ZŠA Robiert Vork tady adznačaŭ, što NATA nakiroŭvaje svaje suchaputnyja vojski da miežaŭ Rasii ŭ jakaści adkazu na vajennuju aktyŭnaść Maskvy la terytoryj Litvy, Łatvii i Estonii.
Raniej u krasaviku ZŠA nakiravali ŭ Rumyniju dva źniščalniki dla abarony krain Bałtyi ad vajennaj pahrozy Rasii.