Śniehapady pakinuli biez elektryčnaści kala paŭtary sotni nasielenych punktaŭ Biełarusi
Za minułyja sutki na terytoryi krainy praź niespryjalnyja ŭmovy nadvorja, vyklikanyja vialikimi śniehapadami, pieryjadyčna parušałasia elektrazabieśpiačeńnie 144 nasielenych punktaŭ, paviedamlaje pres-słužba MNS sa spasyłkaj na dadzienyja Biełenierha.
Ranicaj 10 listapada zastalisia biez elektrazabieśpiačeńnia 36 nasielenych punktaŭ, 7 sielskahaspadarčych budynkaŭ, 146 transfarmatarnych padstancyj u Bresckaj i Viciebskaj abłaściach.
MNS paviedamlaje, što vialikija śniehapady pa apieratyŭnaj infarmacyi nie vyklikali zatoraŭ na darohach.
U Bresckaj vobłaści padraździaleńni MNS akazali dapamohu ŭ vymańni ź śniežnych zanosaŭ troch aŭtamabilaŭ (1 hruzavoha i 2 lehkavych), u jakich znachodzilisia 5 čałaviek. Taksama ratavalniki prybrali z prajeznaj častki drevy, jakija zvalilisia na darohu. Paciarpiełych niama.
Dla rasčystki daroh i ŭborki śniehu zadziejničany 2.102 adzinki techniki i 4.117 rabotnikaŭ roznych arhanizacyj, paviedamlaje MNS.