Ministr sportu: «Kab nichto nie tamiŭsia strachami, mnie daviadziecca lacieć na Alimpijadu samomu»
Ministr sportu Biełarusi Alaksandr Šamko ŭ intervju «Spartyŭnaj panaramie» adznačyŭ, što sam adpravicca na Hulni ŭ Pchienčchan.
— Pytańnie ab ahulnapalityčnaj situacyi ŭ alimpijskim rehijonie: kali vašyja rodnyja pryjduć i skažuć, što laciać u Pchienčchan, adpuścicie ich u Paŭdniovuju Kareju ź lohkim sercam?
— Mnie zdajecca, hetaja tema bolš padahravajecca presaj… A naohuł, pytańniam biaśpieki arhkamitet Hulniaŭ nadaje samuju pilnuju ŭvahu. Napiaredadni, darečy, u mianie była sustreča z pasłom Paŭdniovaj Karei. I jon taksama cikaviŭsia maim nastrojem napiaredadni adpraŭleńnia kamandy ŭ Pchienčchan. Paśla razmovy ź im nie zastałosia nijakaj bojazi. Dumaju, starty projduć u spakojnaj abstanoŭcy. Ale ciapier, paśla vašaha pytańnia, zrazumieŭ adzin momant.
— Jaki?
— Kab nichto nie tamiŭsia strachami, mnie daviadziecca samomu lacieć na Hulni, choć płanavaŭ addać svaju kvotu na ahulnyja patreby. Darečy, jość i biełaruskija zaŭziatary, jakija žadajuć pajechać na Biełyja hulni ŭ Pchienčchan, — skazaŭ Šamko.