U Maskvie zabili dvuch maładych biełarusaŭ-budaŭnikoŭ
Viečaram 4 lutaha ŭ Novamaskoŭskaj akruzie rasijskaj stalicy znajšli cieły mužčyn sa šmatlikimi paškodžańniami hałavy. Zahinułym było 28 i 30 hadoŭ.
«Pa papiarednich dadzienych, u hetym domie rabočyja vykonvali ramontnyja raboty», — paviedamlaje Hałoŭnaje śledčaje ŭpraŭleńnie SK Rasii pa Maskvie.
Pavodle nieaficyjnych dadzienych, zahinułyja — biełarusy. Pra heta piša ahienctva «Maskva» sa spasyłkaj na ŭłasnyja krynicy ŭ pravaachoŭnych orhanach.
Pa słovach praraba, ramont u taŭnchaŭsie pravodzili troje žycharoŭ Omskaj vobłaści i dvoje vychadcaŭ ź Biełarusi. U ciapierašni čas u vyšuk abjaŭleny žychary Omskaj vobłaści, jakija razam źjechali na «Mersedesie», što naležaŭ zahinułym.