Na prypynku kala mietro «Kamiennaja Horka» dla hramadskaha transpartu pastavili raździalalniki pałos
Dla vyrašeńnia prablemy z padjezdam hramadskaha transpartu da prypynačnaha punkta ŭstalavali admysłovyja darožnyja raździalalniki, paviedamili karespandentu ahienctva «Minsk-Naviny» ŭ staličnaj DAI.
— Adnym z takich staŭ prypynačny punkt na vuł. Prytyckaha kala stancyi mietro «Kamiennaja Horka», raźmieščany ŭ kirunku vyjezdu z horada. Tut spyniajucca jak haradskija, tak i pryharadnyja maršrutnyja transpartnyja srodki. Časta im stvarajuć pieraškodu lehkavyja aŭtamabili, — raspaviali ŭ UDAI HUUS Minharvykankama. Kab vyklučyć vypadki niepravamiernaha prypynku abo stajanki lehkavikoŭ, uzdoŭž nazvanaha prypynačnaha punkta ŭstalavali delanijatary (darožnyja raździalalniki). Ciapier u hramadskaha transpartu asobnaja pałasa ruchu, na jakoj niama pieraškod dla ruchu. Heta musić paspryjać svoječasovamu adpraŭleńniu aŭtobusaŭ i maršrutak.