Za hałavu słonimskaj čupakabry abiacajuć 500 rubloŭ
Za zabojstva słonimskaj «čupakabry» pryznačyli premiju ŭ pamiery 500 rubloŭ. Takaja infarmacyja raspaŭsiudziłasia ŭ sacyjalnych sietkach.
Na dniach leśniki, jakija źbirali hryby niedaloka ad vioski Charaševičy, zafiksavali na fota nieviadomaha źviera. Hałava źviera była padobnaja na sabačuju, a tułava — na vaŭka, — rastłumačyli vidavočcy. Valeryj Hulnik, žychar vioski Dzieraŭnaja, u jakoha nieviadomy źvier razarvaŭ sabaku, paviedamiŭ, što źniknieńni sabak usio jašče praciahvajucca, piša Hazieta Słonimskaja.
Palaŭničyja amal stapracentna ŭpeŭnienyja: pracuje maciory voŭk, nie zdolny palavać paŭnavartasna — biare małych sabak.
Ustanoŭleny ślady, adkul źvier vychodzić. Vyrašana ŭzmacnić načnoje palavańnie. Za adstreł vaŭka dajecca premija 500 rubloŭ, dadaje hrodna.life
Nahadajem, u Słonimskim rajonie nieviadomaja žyvioła pačała napadać na svojskuju žyviołu i hadavancaŭ u žniŭni. Sabak, kurej, husiej chavajuć u damach i adrynach, a sami bajacca viečaram vychodzić na vulicu.