Zajšoŭ, asiadłaŭ i pajechaŭ. Jak u Kaściukovickim rajonie ź fiermy skrali kania
U Kaściukovickim rajonie 19 studzienia z chlava na terytoryi fiermy skrali kania, paviedamlaje SK.
Padazravany byŭ apieratyŭna zatrymany supracoŭnikami milicyi. 56-hadovy niećviarozy miascovy žychar pranik u chleŭ, sieŭ na kania i pajechaŭ.
U chodzie dopytu padazravanaha śledčy daznaŭsia, što koń patrebien byŭ dla prodažu ŭ Rasiju (atrymańnia hrošaj).
Raspačata kryminalnaja sprava. Kania acanili ŭ 970 rubloŭ.
Fota SK
Da padazravanaha prymieniena miera pracesualnaha prymusu — abaviazacielstva ab jaŭcy, praviedzieny jaho dopyt. Žyvioła viernuta ŭłaśniku.
SK dadaje, što z pačatku 2019 hoda zaviedzieny čatyry kryminalnyja spravy ab kradziažy žyvioł. Naprykład, u pačatku hetaha hoda sprabavali vykraści śviniej, a ŭ minułym hodzie było zarehistravana bolš za dvaccać faktaŭ kradziažu pčalinych vullaŭ z pčołami.