MUS Francyi raspaviało pra baraćbu z nastupstvami pažaru ŭ Notr-Dam-de-Pary
Francuzskija pažarnyja łakalizavali ŭzharańnie ŭ sabory Notr-Dam i praciahvajuć zmahacca z ahniom. Pra heta zajaviŭ dziaržaŭny sakratar pry MUS Francyi Łaran Nuńjes, pieradaje Reuters.
«Pažar znachodzicca pad kantrolem, ale nie całkam patušany», — zajaviŭ Nuńjes. Pavodle jaho słoŭ, pryčyna pažaru ŭ sabory dahetul nieviadomaja, ułady praciahvajuć rasśledavańnie.
Uzharańnie ŭ Notr-Dam-de-Pary adbyłosia ŭviečary 15 krasavika. Pavodle papiarednich źviestak, pažar pačaŭsia ŭ momant praviadzieńnia restaŭracyjnych rabot. Budynak zakryli dla naviedvalnikaŭ prykładna za piać chvilin da pačatku pažaru, nichto nie paciarpieŭ. Adnak ciažkija ranieńni atrymaŭ adzin z pažarnych.