Łukašenka vykazaŭsia pra karanavirus i daŭ niekalki paradaŭ
Zrabić z Kitaja izhoja praz karanavirus nie atrymajecca. Pra heta Alaksandr Łukašenka zajaviŭ siońnia žurnalistam u Dobrušy, piša BiełTA.
«Nam varta tryvožycca. Ale tolki ŭ adnym — myjcie ruki, mienš abdymajciesia ź nieznajomymi ludźmi na vulicy. Usio astatniaje — za Ministerstvam achovy zdaroŭja. Kali my nie pylim, heta nie značyć, što my nie zajmajemsia hetym pytańniem», — skazaŭ Alaksandr Łukašenka.
Jon źviarnuŭ uvahu, što nie prynižaje niebiaśpieku virusa, ale na hetaj prablemie nažyvajucca šmatlikija kampanii. «Hvałt padymać nie treba, treba prosta cicha pracavać», — padkreśliŭ jon.