«Reał» užo letam choča kupić narviežca Chołanda
Fota ź instahrama «Barusii»
Ispanski futbolny kłub «Reał» Madryd maje namier nabyć narviežskaha forvarda hiermanskaj «Barusii» (Dortmund) Erlinha Chołanda.
Madrydski kłub moža skarystacca punktam u damovie «Barusii» z 19-hadovym futbalistam, zhodna ź jakim jaho kantrakt moža być vykupleny za € 65 młn.
Chołand pierajšoŭ u «Barusiju» z aŭstryjskaha «Zalcburha» u studzieni, padpisaŭšy kantrakt da leta 2024 hoda. Pavodle źviestak partała Transfermarkt, niamiecki kłub zapłaciŭ za narviežskaha napadnika € 20 młn. Za vosiem matčaŭ, praviedzienych u składzie «Barusii» va ŭsich turnirach, Chołand zabiŭ 12 miačoŭ.
Narviežac dzielić pieršaje miesca z forvardam miunchienskaj «Bavaryi» Robiertam Levandoŭskim u śpisie najlepšych bambardziraŭ Lihi čempijonaŭ hetaha siezona, na rachunku abodvuch futbalistaŭ pa 10 hałoŭ. Pry hetym Chołand staŭ pieršym hulcom u historyi Lihi čempijonaŭ, jaki hulaŭ i zabivaŭ za dźvie roznyja kamandy ŭ adnym rozyhryšy turniru (za «Zalcburh» jon vyznačyŭsia vosiem razoŭ, za «Barusiju» — dvojčy).