Mitrapalit Kandrusievič: Nie treba demanizavać ŚMI
Kiraŭnik rymska‑katalickaj carkvy ŭ Biełarusi, mitrapalit Minska‑Mahiloŭski Tadevuš Kandrusievič padtrymaŭ ideju BPC pra stvareńnie ŭ krainie hramadskaj rady pa kantroli za maralnaściu ŭ ŚMI.
Kiraŭnik rymska‑katalickaj carkvy ŭ Biełarusi, mitrapalit Minska‑Mahiloŭski Tadevuš Kandrusievič padtrymaŭ ideju BPC pra stvareńnie ŭ krainie hramadskaj rady pa kantroli za maralnaściu ŭ ŚMI.
Pra heta kiraŭnik arcybiskup Tadevuš Kandrusievič zajaviŭ siońnia na pres‑kanfierencyi ŭ Minsku.
«Kaniečnie, z adnaho boku, zabaronami šmat čaho nie dabješsia — treba nie demanizavać ŚMI, a zajmacca vychavańniem duchoŭnaści ŭ ludziach, ‑ skazaŭ jon. — Ź inšaha boku, niešta treba rabić, i ja miarkuju, što takuju b Radu ŭ krainie niakiepska było b mieć».
Pry hetym Tadevuš Kandrusievič, adkazvajučy na pytańni žurnalistaŭ, paviedamiŭ, što katalickamu śviatarstvu pakul nie pastupała ad BPC prapanovaŭ pra ŭdzieł u hramadskaj radzie.
Kamientujučy inicyjatyvu mitrapalita Minskaha i Słuckaha Fiłareta, patryjaršaha ekzarcha Biełarusi pra kantrol nad interniet‑prastoraj, kiraŭnik katalickaj carkvy ŭ Biełarusi adznačyŭ:
«Niadobra, kali dzicia z malenstva moža zajści na niejkija amaralnyja sajty. Tut pavinien być niejki filtr».