Aficyjny pradstaŭnik Rasijskaj pravasłaŭnaj carkvy zajaviŭ ab, «prynamsi, naściarožnaści» z pryčyny inicyjatyvy mitrapalita Fiłareta ab rehulavańni internetu pa kitajskim uzory.
Aficyjny pradstaŭnik Rasijskaj pravasłaŭnaj carkvy zajaviŭ ab, «prynamsi, naściarožnaści» z pryčyny inicyjatyvy mitrapalita Fiłareta ab rehulavańni internetu pa kitajskim uzory.
U Rasijskaj pravasłaŭnaj carkvie pryznajuć važnaść i nieabchodnaść baraćby sa złačynnaściu ŭ Internecie, ale zaklikajuć nie bačyć ŭ mahčymym uzmacnieńni kantrolu nad suśvietnym Siecivam hałoŭnuju zbroju ŭ baraćbie z hramadskimi zahanami.
«Całkam spadziavacca na niejkija zachady zabarončaha charaktaru, što tyčyć Internietu, nielha,
heta nikoli da ničoha nie pryviadzie»,
— zajaviŭ «Interfaksu‑Relihija» kiraŭnik słužby kamunikacyi Adździeła zamiežnych carkoŭnych suviaziej Maskoŭskaha patryjarchata śviatar Michaił Prakapienka.
Takim čynam jon prakamientavaŭ inicyjatyvu BPC pra rehulavańnie źmieściva Sieciva, jakoje čaściakom ŭjaŭlaje pahrozu dla pisichiki dziaciej i padletkaŭ.
Pavodle ajca Michaiła, Interniet, z adnaho boku, sapraŭdy źjaŭlajučysia spryjalnym asiarodździem dla machlarstva, ekspłuatacyi čałaviečych zahanaŭ, raspaŭsiudu chłuśni i paklopu, u toj ža čas «dazvalaje vyjavić niapraŭdu i paklop i abjadnać ludziej dziela dobraj spravy».
«Mahčyma, heta vypadkovyja supadzieńni, — dadaŭ jon, ale pakul čaściej za ŭsio
idei pra nieabchodnaść kantralavać Interniet źjaŭlajucca ŭ roznych krainach u suviazi ź jakimi‑niebudź palityčnymi padziejami,
abo ŭ dni čarhovaha skandału, źviazanaha z parušeńniem aŭtarskich pravoŭ».
Śviatar taksama nahadaŭ, što mnohija ludzi ŭ roznych krainach śvietu siońnia bajacca
«źjaŭleńnia cenzury, u pieršuju čarhu palityčnaj u vyniku lubych inicyjatyvaŭ, źviazanych z rehulavańniem Internietu».
«U niekatoraj stupieni ich možna zrazumieć. Interniet siońnia — heta ŚMI dla biednych, miesca kryštalizacyi mnohich inicyjatyvaŭ hramadzianskaj supolnaści. Aproč taho, Interniet niaredka byvaje apošniaj nadziejaj maleńkaha čałavieka, jaki sutyknuŭsia z samavolstvam i niespravialivaściu.
Da i naohuł ŭ luboha, chto naradziŭsia ŭ XX st., słovy pra tatalny kantrol Internieta vyklikajuć prynamsi naściarožanaść»,— miarkuje pradstaŭnik Maskoŭskaha patryjarchata.
Kamientary