Kala 50% ludziej, jakija zachvareli na adzior u 2025 hodzie ŭ Biełarusi, nie mieli pryščepki suprać hetaj infiekcyi abo paćviardžeńnia najaŭnaści achoŭnych antyciełaŭ. Pra heta paviedamiŭ zahadčyk adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Kirył Ihnataŭ.
Pavodle słoŭ Kiryła Ihnatava, situacyja ź infiekcyjnymi zachvorvańniami ŭ krainie zastajecca kantralavanaj dziakujučy vakcynacyi. U 2025 hodzie ŭ Biełarusi nie rehistravalisia vypadki dyfteryi, krasnuchi i słupniaku. Vypadki adzioru fiksavalisia, ale ich kolkaść była ŭ 12 razoŭ mienšaj, čym u 2024 hodzie.
Prykładna pałova vypadkaŭ adzioru ŭ 2025 hodzie była źviazana z zavozam infiekcyi z-za miažy. Najčaściej chvareli darosłyja va ŭzroście ad 30 da 49 hadoŭ — na ich prypadała kala pałovy ŭsich zachvarełych.
Za pieršyja piać miesiacaŭ 2026 hoda vypadki adzioru byli zarehistravanyja ŭ Viciebskaj, Homielskaj, Hrodzienskaj i Mahiloŭskaj abłaściach. Jak i letaś, kala pałovy zachvarełych nie mieli paćviardžeńnia ab praviedzienaj vakcynacyi.
Śpiecyjalisty padkreślivajuć, što vakcynacyja zastajecca adnym z najbolš efiektyŭnych sposabaŭ prafiłaktyki infiekcyjnych zachvorvańniaŭ. Usie pryščepki, uklučanyja ŭ nacyjanalny kalandar vakcynacyi, pryznačanyja dla abarony nasielnictva jak unutry krainy, tak i padčas pajezdak za miažu.
Štučny intelekt stvaryŭ univiersalnuju vakcynu ad usich karanavirusaŭ
«Uciakali ad mihrantaŭ i hiendarnaj ideałohii». Prapahanda pakazała jašče adnu siamju kovid-dysidentaŭ, jakaja pierabrałasia z Hiermanii ŭ Biełaruś
Ci možna rabić pryščepku ad kleščavoha encefalitu letam?
Minzdaroŭja dało rekamiendacyi nakont lichamanki Eboły dla tych, chto vyjazdžaje za miažu
Ci možna zarazicca šalenstvam prosta ad drapiny kata?
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary