Minzdaroŭja dało rekamiendacyi nakont lichamanki Eboły dla tych, chto vyjazdžaje za miažu
Ministerstva achovy zdaroŭja rekamienduje ŭstrymacca ad naviedvańnia šerahu krain Afryki biez krajniaj nieabchodnaści ŭ suviazi sa ŭspyškaj lichamanki Eboła.
Minzdaroŭja rekamienduje hramadzianam ustrymacca ad naviedvańnia nazvanych afrykanskich krain biez krajniaj nieabchodnaści.
Padčas znachodžańnia ŭ dziaržavach, endemičnych pa lichamancy Eboła, u metach prafiłaktyki zaražeńnia rekamiendujecca stroha vykonvać šerah pravił. Nieabchodna zachoŭvać praviły asabistaj hihijeny (rehularnaje myćcio ruk, vykarystańnie antysieptykaŭ), paźbiahać ciesnych kantaktaŭ ź ludźmi, jakija majuć prykmiety infiekcyjnych zachvorvańniaŭ, vyklučyć kantakty ź dzikimi žyviołami (kažanami, prymatami i inš.), a taksama paźbiahać naviedvańnia miescaŭ ich pražyvańnia.
U vypadku źjaŭleńnia simptomaŭ infiekcyjnaha zachvorvańnia (pavyšeńnie tempieratury, słabaść, hałaŭny bol, myšačny bol) paśla viartańnia z krain, niespryjalnych pa lichamancy Eboła, nieabchodna nieadkładna źviarnucca pa miedycynskuju dapamohu. Rekamiendujecca vyklikać bryhadu chutkaj miedycynskaj dapamohi dadomu, abaviazkova paviedamiŭšy dyśpietčaru pra fakt znachodžańnia.
Pavodle apošnich danych SAAZ, uspyška zachvorvańnia, vyklikanaja štamam ebołavirusa pad nazvaj «Bundybudžya», užo pryviała da 220 mierkavanych śmierciaŭ i 900 zarehistravanych vypadkaŭ zachvorvańnia.
Suprać hetaj raznavidnaści Eboły pakul niama ni vakcyny, ni zaćvierdžanych lekaŭ, pakolki jana adnosna mała vyvučanaja.
Virus, aproč DR Konha, taksama raspaŭsiudziŭsia na terytoryju Uhandy, dzie zarehistravana siem vypadkaŭ zachvorvańnia.
Pavodle danych uładaŭ DR Konha, zaraz kala 1000 čałaviek demanstrujuć simptomy, charakternyja dla Eboły. Miedyki taksama sprabujuć ustanavić miescaznachodžańnie 3,6 tys. čałaviek, jakija, mierkavana, kantaktavali ź inficyravanymi.
Baraćbu z zachvorvańniem uskładniajuć niedachop pradmietaŭ pieršaj nieabchodnaści i niedavier miascovaha nasielnictva, napałochanaha papiarednimi ŭspyškami chvaroby.
Na minułym tydni ŭ epicentry ŭspyški Eboły natoŭp žycharoŭ padpaliŭ častku balnicy, dzie znachodziłasia cieła adnaho z pamierłych, bo administracyja admoviłasia addać astanki jaho svajakam.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam4
Kamientary