U Viciebsku pradajuć z aŭkcyjonu staradaŭni zakinuty «dom-pryvid»
U Viciebsku šukajuć novaha ŭładalnika dla viadomaha zakinutaha budynka na vulicy Kamsamolskaj, 28. Havorka idzie pra trochpaviarchovy dom, pabudavany na miažy XIX i XX stahodździaŭ. Budynak maje status historyka-kulturnaj kaštoŭnaści i znachodzicca pad dziaržaŭnaj achovaj, piša vydańnie «Naš portał».
Ličycca, što prajekt hetaha doma byŭ stvorany viadomym viciebskim architektaram Cichanam Kibardzinym. Pieršapačatkova ŭ im raźmiaščałasia bolš za dziasiatak kvater. Padčas Druhoj suśvietnaj vajny budynak mocna paciarpieŭ, ale ŭ kancy 1940‑ch hadoŭ byŭ adnoŭleny. Paśla rekanstrukcyi tam žyli rabotniki zavoda «Vistan».
Surjoznyja prablemy ŭ doma pačalisia kala piatnaccaci hadoŭ tamu. U ścienach źjavilisia vialikija raskoliny, pačali razburacca asobnyja architekturnyja elemienty i pierakryćci. U 2012 hodzie dom pryznali niebiaśpiečnym dla pražyvańnia, a ŭsich žycharoŭ adsialili.
Paźniej budynak płanavali pieraabstalavać pad hatel, ale prajekt tak i nie byŭ realizavany. Ciapierašni prodaž źviazany ź finansavymi prablemami i daŭhami kampanii-ŭładalnika.
Pačatkovy košt abjekta składaje nie mienš za 536 tysiač biełaruskich rubloŭ. Novy ŭładalnik atrymaje budynak płoščaj bolš za 850 kvadratnych mietraŭ i prava karystańnia ziamielnym učastkam kala 12 sotak da kanca 2040 hoda.
Pry hetym kupiec abaviazany vykarystać budynak dla raźvićcia turystyčnaj infrastruktury: stvaryć tam hatel, matel abo turystyčnuju bazu. Elektronny aŭkcyjon pryznačany na 7 lipienia.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary