Maładoha školnaha nastaŭnika z Mazyra asudzili pa palityčnym artykule
Alaksandr Parchomienka tolki dva hady tamu skončyŭ univiersitet.
Alaksandru Parchomienku 23 hady. Jon rodam ź vioski Dubrova Jelskaha rajona. U 2020 hodzie pastupiŭ u Mazyrski ŭniviersitet na biudžet pa śpiecyjalnaści «Techničnaja praca i pradprymalnictva». Paralelna adkryŭ IP i padpracoŭvaŭ u taksi.
Paśla zakančeńnia ŭniviersiteta chłopiec raźmierkavaŭsia ŭ siaredniuju škołu №6 Mazyra, dzie pracavaŭ nastaŭnikam pracoŭnaha navučańnia.
Na pracy jaho canili jak pierśpiektyŭnaha śpiecyjalista. U 2025 hodzie Alaksandr staŭ pieramožcam rajonnaha etapu respublikanskaha konkursu siarod pracujučaj moładzi «SuperPROFI» ŭ naminacyi «SuperPROFI ŭ śfiery adukacyi i navuki» i pradstaŭlaŭ Mazyrščynu na abłasnym etapie.
Chłopca aryštavali za palityku. Niadaŭna Homielski abłasny sud pryznaŭ Alaksandra vinavatym pavodle častak 1 i 2 artykuła 361‑4 Kryminalnaha kodeksa Biełarusi («sadziejničańnie ekstremicskaj dziejnaści»).
Dakładnyja abstaviny jaho kryminalnaj spravy pakul zastajucca nieviadomymi, ale, imavierna, pieraśled źviazany sa spravaj Hajuna.
Chłopcu prysudzili chimiju z nakiravańniem ci kałoniju — anłajn jon tak i nie źjaviŭsia.
«Naša Niva» — bastyjon biełaruščyny
PADTRYMAĆCiapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ40
Kamientary