Prezident Ukrainy pastaviŭ ultymatum — advieści ad ukrainskaj miažy techniku, jakaja karektuje ahoń pa ŭkrainskim nasielnictvie. «Inakš heta zrobim my», — dadaŭ jon.
Uładzimir Zialenski adreahavaŭ na prabačeńni Łukašenki, jaki zajaviŭ, što «pierabarščyŭ» na jaho adras, i ciapier zapeŭnivaje, što Biełaruś nie ŭstupić u vajnu.
Zialenski skazaŭ, što asabistyja słovy možna daravać, ale nie ŭdzieł Biełarusi va ŭdarach pa Ukrainie.
Prezident Ukrainy zaznačyŭ, što Łukašenka kiruje krainaj, jakaja źjaŭlajecca susiedam Ukrainy: «Biaśpieka na miažy dla nas vielmi važnaja», — kaža jon.
Tamu, tłumačyć Zialenski, kali Łukašenka havoryć, što jon nie choča być uciahnutym u hetuju vajnu, «jon pavinien być česnym, prynamsi pierad svaim narodam».
«Tamu što heta nie jon moža być uciahnutym u vajnu, heta moža być uciahnutaja cełaja jaho kraina. Uciahnutaja Rasijaj. Jany ź pieršych dzion hetaj vajny heta robiać, heta fakt», — skazaŭ Zialenski.
Jon zhadaŭ pačatak poŭnamaštabnaj vajny, kali rakiety lacieli ź Biełarusi.
«I tady jon taksama telefanavaŭ i prasiŭ prabačeńnia, i kazaŭ, što: «Ja heta nie kantralavaŭ, Rasija dziejničała na svajoj ziamli». I, biezumoŭna, ja ŭ heta nie vieru, ale… ale jon pra heta ŭžo havaryŭ», — zapeŭnivaje prezident Ukrainy.
Jon davodzić, što i zaraz Rasija budzie praciahvać šturchać Biełaruś u hetuju vajnu. Ale Łukašenka zaraz užo razumieje, «što Ukraina budzie adkazvać».
«Nie treba lišnich słoŭ. U jaho siońnia na jaho vyškach jość retranślatary. Rasijskija retranślatary, biełaruskija — jakaja nam roźnica? Na jaho terytoryi, uzdoŭž dźviuch abłaściej, pamiežnych z Ukrainaj, znachodzicca technika, jakaja karektuje ahoń pa ŭkrainskim nasielnictvie. Mienavita nasielnictvie! Tam u nas niama zaraz takoha mocnaha frontu, dzie Ukraina i Biełaruś. Zabivajuć tam cyvilnych. Tam retranślatary na adpaviednych vyškach. Jon moža heta źniać?
Dla čaho słovy, što jon nie choča być uciahnutym? Chaj źnimie hetuju techniku, chaj vyklučyć hetuju techniku. Ja dumaju, što jamu tydnia budzie dastatkova heta zrabić. Tamu što… čamu ja kažu tydzień? Tamu što zaraz kožnaha dnia praz heta hinuć našy cyvilnyja ludzi, paranienyja dzieci. Kali jon heta nie zrobić, zrobim my», — skazaŭ Zialenski.
Jon źviarnuŭ uvahu i na biełaruskuju naftapierapracoŭčuju pramysłovaść.
«My robim usio, kab u ruskich nie było mahčymaści pradavać naftu i davać, adpaviedna, dyziel i naftu svajoj armii. Tamu što ŭsio heta vykarystoŭvajecca suprać nas.
Jon siońnia — hałoŭny pastaŭščyk ci adzin z hałoŭnych pastaŭščykoŭ dla rasijskaj armii. Mienavita Łukašenka, mienavita Biełaruś. Možna heta spynić? Ja ŭpeŭnieny, što heta ŭ jaho siłach, i heta mienavita jon kantraluje».
Taksama Zialenski zhadaŭ udar dronam pa biełaruskim aŭtobusie ŭ Rasii.
«Nu, usie ŭžo pryznali, i mižnarodnyja ekśpierty, i, mnie zdajecca, taksama i ruskija pryznajuć heta… ci, skažam tak, nie adkryta, što heta ŭdar byŭ nie naš. Jak heta źviazvajuć? Vielmi prosta: ruskija buduć rabić šmat roznych pravakacyj dla taho, kab uciahnuć narod Biełarusi ŭ hetuju vajnu», — dadaŭ jon.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Nablavuzhali svaimi notami?
Miarkuju što Ukraina źniščyć nia tolki retraślatary, ale i Mozyrski NPZ da kučy.
Jašče ŭ ich 500 metaŭ na terytoryi RB siarod jakich rezydencyi pierasidzienta, budynki apryčnikaŭ i hd.