U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
Studyjami z hołymi ścienami ŭ «Minsk-Śviecie» za $150‑200 užo nikoha nie ździvić, ale za tyja samyja hrošy možna arandavać u stalicy navat trochpakajovuju kvateru.
Unikalnaja prapanova na vulicy Pirahova
Kvatera znachodzicca na druhim paviersie trochpaviarchovaha doma na vulicy Pirahova.
Ahulnaja płošča kvatery — 65 kvadrataŭ. Častka pamiaškańniaŭ maje ŭ pramym sensie hołyja ścieny i padłohu. U niekatorych jość staryja špalery i draŭlanaja padłoha.
Z sučasnaha ŭ hetaj kvatery tolki płastykavyja vokny i błočnyja ścieny, jakija adździalajuć sanvuzieł ad usioj kvatery.
U apisańni paznačana, što kvatera zdajecca pa damovie pad ramont na termin ad troch-čatyroch hadoŭ biez pavyšeńnia arendnaj płaty na ŭvieś čas arendy i ź pieravahaj pry padaŭžeńni damovy ŭ budučyni.
«Detali možna abmiarkoŭvać», — paznačana ŭ apisańni da abjavy.
Nakolki vyhadnaja takaja zaduma?
Naturalna, što navat u adroźnieńnie ad studyj z hołymi ścienami, jakija časam zdajuć u «Minsk-Śviecie», adrazu zasialicca ŭ hetuju kvateru nie ŭdasca navat pry ŭsim žadańni.
Pry hetym košt arendy sapraŭdy vyhladaje nievysokim. Ciapier staŭki na arendu trochpakajovak u Minsku pačynajucca prykładna ad 450 dalaraŭ za adzinkavyja, samyja biudžetnyja varyjanty sa starym ramontam, staroj meblaj ci navat častkova bieź jaje.
Ale ŭsio adno vyhladaje, što dla taho, kab zaduma z arendaj takoha niestandartnaha žytła mieła sens, ramont u hetaj kvatery čałaviek musić pa maksimumie rabić ułasnymi siłami.
I čym bolšym budzie termin arendy, tym bolš imaviernaj stanovicca vyhada ad takoj ździełki dla arandatara. Asabliva kali staŭki na arendu žytła praciahnuć raści.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary