Ukrainskija vajskoŭcy vyratavali piać kacianiat ź pieradavych pazicyj kala Małoj Takmački. Pa ziamli dabracca da ich było niemahčyma, tamu 8 červienia bajcy 118‑j asobnaj miechanizavanaj bryhady vyvieźli žyvioł z dapamohaj ciažkaha drona Vampire, piša BILD.
Kacianiat pasadzili ŭ miašok i zamacavali pad dronam. Tak jany pralacieli kala 12 kiłamietraŭ ad linii frontu ŭ biaśpiečnaje miesca.
Pavodle słoŭ vajskoŭcaŭ, zastavacca pobač z pazicyjami dla žyvioł było niebiaśpiečna, a akramia taho, jany mahli vypadkova vydać raźmiaščeńnie ŭkrainskich abaroncaŭ.
Z-za vajny va Ukrainie biez haspadaroŭ zastalisia tysiačy svojskich žyvioł. Ukraincy stvarajuć prytułki i vałanciorskija sietki, a vajskoŭcy časta zabirajuć biazdomnych žyvioł prosta z frontu.
Pavodle źviestak arhanizacyi UAnimals, z pačatku poŭnamaštabnaj vajny ŭdałosia evakujavać bolš za 10 tysiač žyvioł.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk8
Kamientary
mimišnaść pram zaškalvaje
vaś tolki..
jo, jak kaža NN, trašački niuansy