Heta stała reakcyjaj na pazbaŭleńnie prezidentam Polščy Karalem Naŭrockim Uładzimira Zialenskaha ordena Biełaha Arła — najvyšejšaj uznaharody krainy.
Fota: President.gov.ua, Kyivcity.gov.ua
Jašče niekalki ŭkrainskich palitykaŭ admovilisia ad polskich uznaharod. Ad Ordena Biełaha Arła admoviŭsia były prezident Ukrainy Leanid Kučma.
Kučma zajaviŭ, što, choć historyja važnaja, minułaje nie moža być važniejšym za budučyniu, asabliva na fonie sumiesnaj pahrozy z boku Rasii.
Kučma zhadaŭ, što ŭ časy svajho prezidenctva ličyŭ pabudovu družalubnych adnosin z Polščaj adnym z pryjarytetaŭ.
«Sapraŭdnaje siabroŭstva Ukrainy i Polščy stała realnaściu. Jaje paćviardžeńniem źjaŭlajecca taja nieacennaja dapamoha, jakuju Polšča akazvała Ukrainie ź pieršych hadzin poŭnamaštabnaha ŭvarvańnia RF. I ja ŭpeŭnieny, što ciapierašni niesiabroŭski krok prezidenta Naŭrockaha nie moža pierakreślić usio heta», — zajaviŭ Kučma.
Aproč Kučmy, ad Ordena Biełaha Arła admoviŭsia i były ŭkrainski prezident Viktar Juščanka.
«Ukraina siońnia abaraniaje nie tolki siabie. Našy vajskoŭcy abaraniajuć uschodniuju miažu ŭsioj Jeŭropy. I lubyja kroki, jakija pasłablajuć ukrainska-polskaje adzinstva, urešcie pracujuć tolki na karyść Kramla», — pryvodziać jaho słovy.
Dahetul ad polskich uznaharod admovilisia pasoł Ukrainy ŭ Polščy Vasil Bodnar, kiraŭnik Ofisa prezidenta Kirył Budanaŭ i ministr zamiežnych spraŭ Andrej Sibiha. Heta stała reakcyjaj na pazbaŭleńnie prezidentam Polščy Karalem Naŭrockim Uładzimira Zialenskaha ordena Biełaha Arła — najvyšejšaj uznaharody krainy.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary
Niejkaja łuchta.
Pieršaje. Zaparoskaja Sieč (Vojska Zaparoskaje) tady vajavała za Maskoviju, i to nievialiki čas, a ciapier Ukraina vajuje suprać "eref".
Druhoje, jašče raniej u 1569 h. try ŭkrainskija rehijony i adzin biełaruski dałučylisia da Polščy, vyjšaŭšy sa składu VKŁ.
Treciaje. Heta eseseser razvaliŭsia. A Rzeczpospolita była padzielena maskalami i niemcami.