Pradprymalnik uziaŭ u klijentki 100 dołaraŭ. I zapłaciŭ štraf u 16 razoŭ bolšy
Ramontnik sprabavaŭ patłumačyć, što ŭziaŭ valutu na kuplu zapčastak. Ale heta nie dapamahło.
U Bresckim rajonie pradprymalnik uziaŭ u klijentki 100 dołaraŭ. A paśla vielmi paškadavaŭ. IP zajmajecca ramontam aŭtamabilaŭ. Čarhovaja klijentka vyrašyła zapłacić valutaj. Suma była nie zanadta vialikaja. Ale infarmacyja niejkim čynam prasačyłasia.
U vyniku pradprymalnik apynuŭsia ŭ sudzie. Jaho abvinavacili ŭ parušeńni zakona ab valutnym rehulavańni, jaki zabaraniaje takija raźliki. Ramontnik sprabavaŭ patłumačyć, što dołary klijentka dała jamu na kuplu zapčastak. Ale sud heta nie pierakanała, piša prof.by.
Pradprymalnik atrymaŭ administratyŭku za niezakonny pryjom zamiežnaj valuty. Jamu pryznačyli štraf u 16 razoŭ bolšy za tyja 100 dołaraŭ — ramontniku daviadziecca zapłacić 100 bazavych vieličyń, ciapier heta 4500 rubloŭ.
Bieraściejcu jašče pašancavała: jamu pryznačyli minimalny štraf pa hetym artykule. IP možna pakarać až da 200 bazavych, heta značyć da 9000 rubloŭ.
Naohuł, atrymlivać apłatu ŭ valucie ŭ Biełarusi mohuć tolki kampanii, jakija zarablajuć na transpartavańni hruzaŭ za miažu abo na tranzicie. Jašče valutaj možna płacić u kramach Duty Free.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki29
Kamientary
Vo paskudy, im by tolki štrafy ź ludziej brać.