Pasoł Ukrainy ŭ Polščy taksama admoviŭsia ad svajoj uznaharody — Kavalerskaha kryža Ordena «Za zasłuhi Respubliki Polšča».
Vasil Bodnar pryniaŭ takoje rašeńnie ŭ adkaz na krok Polščy pa pazbaŭleńni prezidenta Ukrainy Uładzimira Zialenskaha najvyšejšaj polskaj dziaržaŭnaj uznaharody — Ordena Biełaha Arła, piša RBK-Ukraina.
Dypłamat padkreśliŭ, što Ukraina i Polšča zastajucca blizkimi partniorami, abjadnanymi ahulnymi intaresami ŭ śfiery biaśpieki, abarony, adnaŭleńnia i jeŭrapiejskaj intehracyi.
U toj ža čas Bodnar nazvaŭ rašeńnie adnosna Zialenskaha «histaryčna niespraviadlivym» i takim, što baluča ŭsprymajecca va ŭmovach praciahłaj rasijskaj ahresii.
«Pamiatajma, što ad našych sprečak zaŭsiody vyjhraje vorah — Maskva. Jašče raz zaklikaju da adkrytaj razmovy. Upeŭnieny, što pry najaŭnaści dobraj voli my znojdziem razumnyja rašeńni», — adznačyŭ pasoł.
Raniej paśla pazbaŭleńnia Zialenskaha hałoŭnaj uznaharody Polščy — Kamandorskaha kryža z zorkaj Ordena «Za zasłuhi pierad Polščaj» admovilisia kiraŭnik Ofisa prezidenta Kirył Budanaŭ i ministr zamiežnych spraŭ Andrej Sibiha.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej16
Kamientary