Demakratyčnaja lidarka Śviatłana Cichanoŭskaja vystupiła z zajavaj paśla novaha incydentu ź biełaruskim aŭtobusam u rasijskaj Branskaj vobłaści.
«Užo druhi raz za dva tydni aŭtobus ź biełarusami traplaje pad udar na terytoryi Rasii. Čarhovy raz našy ludzi stanoviacca achviarami złačynnaj vajny, jakuju Rasija raźviazała suprać Ukrainy, i praciahvaje ŭciahvać u jaje i našuju Biełaruś.
Heta taksama nastupstvy biezadkaznaj palityki Łukašenki i režymnaj prapahandy, jakija zaciata hetuju vajnu padtrymlivajuć, i tych pradstaŭnikoŭ ułady, jakija ihnarujuć pahrozy i praciahvajuć adpraŭlać biełarusaŭ u Rasiju.
Zaklikaju vas, nie jeździcie ŭ Rasiju. Chtości zarablaje na turach tudy, niby tam biaśpiečna, — heta nie tak. A tak zvanym uładam, padobna, usio roŭna, kolki jašče biełarusaŭ paciarpić. Bieražycie siabie», — zajaviła Śviatłana Cichanoŭskaja.
2 lipienia ŭ Złynkaŭskim rajonie Branskaj vobłaści biełaruski turystyčny aŭtobus, jaki ruchaŭsia pa maršrucie Minsk — Anapa, trapiŭ pad udar bieśpiłotnika. U sałonie znachodzilisia 19 pasažyraŭ. Paśla zdareńnia ŭsich hramadzian Biełarusi dastavili ŭ Homielskuju vobłaść, a šaściora hramadzian Rasii zastalisia ŭ punkcie časovaha raźmiaščeńnia ŭ Branskaj vobłaści. Troch paciarpiełych paśla ahladu ŭ Homielskaj abłasnoj kliničnaj balnicy adpuścili dachaty — ich ranieńni akazalisia lohkimi.
Valfovič pra vybuch drona kala biełaruskaha aŭtobusa: «Heta była čystaja vypadkovaść»
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
Stała viadoma, čyj aŭtobus paciarpieŭ ad drona ŭ Branskaj vobłaści
Kamientary