Navukoŭcy vypuścili ŭ biełaruskuju pryrodu pieršuju partyju śpiecyjalna vyhadavanych redkich źmiej
U Biełarusi pačałasia realizacyja prajekta pa zachavańni miadzianki zvyčajnaj — samaj redkaj źmiai krainy, zaniesienaj u Čyrvonuju knihu. Navukoŭcy ŭžo vypuścili ŭ pryrodu pieršych maładych asobin, jakich vyraścili ŭ śpiecyjalnych umovach, piša vydańnie «Smartpres».
Prajekt raspracavali śpiecyjalisty Paleskaha ahrarna-ekałahičnaha instytuta Nacyjanalnaj akademii navuk Biełarusi. Spačatku jany daśledavali miescy, dzie jašče zachavalisia papulacyi miadzianki, i vyjavili najbolšuju ź ich na paŭdniovym zachadzie Paleśsia. Tam praviali raboty pa palapšeńni ŭmoŭ dla žyćcia redkaj reptylii.
Adnak čakanaha pavieličeńnia kolkaści źmiej nie adbyłosia. Naadvarot, za niekalki hadoŭ papulacyja pačała źmianšacca. Pa słovach navukoŭcaŭ, pryčynaj stała toje, što na nievialikaj terytoryi źmiej stała bolš, i jany čaściej hinuli pad kołami transpartu abo stanavilisia zdabyčaj drapiežnych ptušak.
Paśla hetaha daśledčyki źmianili padychod. Jany adłavili samca i samku miadzianki, a ich patomstva pačali vyroščvać u biaśpiečnych umovach, kab maładyja źmiei dasiahnuli ŭzrostu, kali ich šancy na vyžyvańnie ŭ dzikaj pryrodzie stanoviacca značna vyšejšymi.
Dla vypusku vybrali ŭčastak kala adnoj ź viosak z łuhami, chmyźniakami i redkaleśsiem. Na dumku śpiecyjalistaŭ, heta miesca dobra padychodzić dla maładych miadzianak i mienš pryvabnaje dla ich naturalnych vorahaŭ.
Pieršyja vyraščanyja źmiei byli vypuščanyja ŭ pryrodu 19 červienia. Pavodle nazirańniaŭ navukoŭcaŭ, jany chutka asvoilisia i razpaŭźlisia pa navakolnaj terytoryi.
Daśledčyki spadziajucca, što hetyja asobiny stanuć asnovaj novaj papulacyi redkaj reptylii. U nastupnym hodzie płanujecca vypuścić jašče adnu hrupu maładych miadzianak, a pakul śpiecyjalisty praciahvajuć nazirać za tym, jak jany pryžyvajucca ŭ naturalnym asiarodździ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary