Na pažary ŭ Naroŭli zahinuli dvoje małych dziaciej miascovaha ŭčastkovaha
Radamir i Milena byli ŭ haściach u prababuli, kali ŭ domie pačaŭsia pažar. Žančyna taksama zahinuła.
Ministerstva ŭnutranych spraŭ vykazała spačuvańni staršamu ŭčastkovamu Naraŭlanskaha RAUS kapitanu Alaksieju Połazu ŭ suviazi sa śmierciu dvaich jaho dziaciej — 10‑hadovaha Radamira i 5‑hadovaj Mileny.
Biada zdaryłasia 14 červienia. Tady adbyŭsia pažar na vulicy Sacyjalistyčnaj u Naroŭli. Zahinuli 73‑hadovaja žančyna i dvoje jaje praŭnukaŭ.
Alaksieju Połazu 37 hadoŭ, jon naradziŭsia ŭ Mazyry. Paśla słužby ŭ vojsku pracavaŭ pa kantrakcie ŭ kałonii №20 dla recydyvistaŭ u Mazyry. Ažaniŭsia sa studentkaj miedycynskaha kaledža ŭ Naroŭli Taćcianaj Jaromienka i pieravioŭsia ŭ Naroŭlu bližej da jaje. Spačatku słužyŭ u atradzie achovy terytoryj radyjeaktyŭnaha zabrudžvańnia, a paśla staŭ učastkovym.
Alaksiej Połaz adkazvaje za ŭsie vioski Naraŭlanskaha rajona, a 33‑hadovaja Taćciana Połaz pracuje staršaj miedsiastroj u terapieŭtyčnym adździaleńni rajonnaj balnicy i vučycca na fakultecie psichałohii i piedahohiki Homielskaha dziaržaŭnaha ŭniviersiteta.
Kamientary
Spačuvać milicyjanieru nie nadta chočacca. Bo ŭ 2020-m na zajavu ŭ prakuraturu źbitych u Mazyry 54-hadovych sužencaŭ - pracaŭnika NPZ i školnaj nastaŭnicy - HUUS Homielskaha abłvykankama adkazała, što ŭ "priesiečnii niesankcionirovannych massovych mieroprijatij był zadiejstvovan VIEŚ ličnyj sostav orhanov vnutrieńnich dieł obłasti". Adpaviedna, i hety kapitan dušyŭ narodny pratest.
[Zredahavana]