Minčuki zdali kvateru ŭ «Minsk-Śviecie» na sutki. Arandatary pieratvaryli jaje ŭ kapišča
«Tam vyklikali Satanu?»
Zdača kvatery ŭ ŽK «Minsk-Śviet» na sutki stała pryčynaj dla praviadzieńnia pazapłanavaj hienieralnaj pryborki ŭsiaho žylla. Padrabiaznaści raspavioŭ akaŭnt nedvizhka_minsk u Threads, zaŭvažyła vydańnie «Blizka».
U kožnym pakoi žylla, praktyčna paŭsiul — na padłozie, mebli, santechnicy, paścieli i bytavoj technicy — byŭ raskidany kvietkavy hrunt i raźlita vada. U piarednim pakoi jašče i była rassypana sol. Dziŭna, ale śmiećcie było składziena i zaviazana ŭ pakiety.
Karystalniki sacsietki ad ubačanaha byli ŭ šoku. Asabliva ździviŭ kamientataraŭ malunak pientahramy z vady i ziamli.
«Tam Satanu vyklikali. Treba baciušku zaprasić».
«Vidać, niejki rytuał pravodzili i ŭsio atrymałasia».
«Pavieście časnok nad łožkam ad pryvidaŭ».
«A ludzi jašče bajacca zdavać kvatery sabačnikam. Nivodzin sabaka tak kvateru nie apahanić».
«Vyklikajcie milicyju, šukajcie hetych čarnaknižnikaŭ. Niachaj płaciać kampiensacyju».
Kamientary