Kulturołah i kinakrytyk Maksim Žbankoŭ vypuskaje ŭ vydaviectva «Mianie Hiama» vydańnie «ŠokinhKult. Kniha pieriemien». U zbornik uvajšli vybranyja teksty adnaimiennaha aŭtarskaha YouTube-prajekta, piša BAŽ.
«ŠokinhKult» — aŭtarski YouTube-prajekt Maksima Žbankova, stvorany dla analizu sacyjakulturnych pracesaŭ paśla 2020 hoda. U knihu ŭvajšło 37 tekstaŭ pra Biełaruś i pra ŭsio toje, što adbyłosia z našym hramadstvam. Ale heta nie chronika padziej i nie pryvatnyja natatki.
«Heta mind games — kanceptualizacyja (biełaruskaha) tryndzieca ŭ pramym efiry. Sproby znajści markiery dla
złamanaha času, pakul laciš razam ź im ź niadkul u nikudy i namahaješsia nie źjechać z hłuzdu», — adznačaje vydaviectva.
Sam aŭtar vyznačaje zbornik jak «37 te(k)staŭ na vyžyvańnie».
«Heta myśleńnie pieryjadu paŭraspadu, traŭmatyčnaje adčuvanńnie złamanaha času, katałoh kulturnych anamalijaŭ i chroniki mientalnych zruchaŭ. Adnačasova dyjahnaz, matyvatar i aŭtapartret», — kaža Maksim Žbankoŭ.
Nakład čakajecca ŭ pačatku lipienia 2026 hoda.
Kamientary