U rajonie Armuzskaha praliva prahučali papieradžalnyja streły, a Korpus vartavych isłamskaj revalucyi pa radyjo zaklikaŭ sudny nie nabližacca da praliva.
Aficyjnaha paćviardžeńnia hetaj infarmacyi pakul niama.
Pry hetym iranskija ŭłady zajavili, što prachod sudnaŭ pa-raniejšamu mahčymy, ale tolki paśla padačy zajaŭki i pry vykanańni ŭstalavanych umoŭ.
Heta stavić pad pahrozu papiaredniaje pahadnieńnie ź Iranam, pra jakoje niekalki dzion tamu damoviŭsia prezident ZŠA Donald Tramp. Tehieran patrabavaŭ nieadkładnaha spynieńnia vajny «na ŭsich frantach, uklučajučy Livan», ale Izrail zajaviŭ, što nie ličyć siabie źviazanym hetymi ŭmovami, piša Bild.
U noč na 19 červienia izrailskaja armija atakavała bolš za 80 abjektaŭ prairanskaj «Chiezbały» na poŭdni Livana, uklučajučy kamandnyja punkty, puskavyja ŭstanoŭki i inšuju infrastrukturu.
Nahadajem, što zapłanavanyja na siońnia pieramovy ZŠA i Irana ŭ Šviejcaryi pieranieśli.
Vašynhton tłumačyć heta składanaj łahistykaj, a blizki da «Chiezbały» telekanał Al-Mayadeen paviedamlaŭ, što Tehieran zatrymlivaje adpraŭku delehacyi z-za izrailskaj apieracyi ŭ Livanie.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu33
Kamientary
Jeŝio odin "monstr" v mirie rastiot.... Kohda odno hosudarčtvo ( Iran) oficialno žiełajet druhoje ( Izrail) vstajot vopros KAK možno etim "dikariam" dať v ruki jadiernoje oružije ili budiem potom vsie "stojať na kolaniach"