Zamiest piensii — kałonija. 72‑hadovaha biełaruskamoŭnaha ajcišnika asudzili pa ciažkich palityčnych artykułach
Alaksandr Katlanik doŭhi čas byŭ źviazany z handlem, a na piensii staŭ indyvidualnym pradprymalnikam u śfiery prahramavańnia. Ale spakojnaj staraści nie atrymałasia — minčuka kinuli za kraty za «ŭdzieł u ekstremisckim farmavańni» i «zakliki da pryčynieńnia škody Biełarusi».
Alaksandr Katlanik naradziŭsia 30 śniežnia 1953 hoda. Pa źviestkach Biełpoł, bolš za 20 hadoŭ jon byŭ u biznesie. Z 1990‑ch pa 2008‑y Alaksandr byŭ namieśnikam dyrektara TAA «Lićvin», jakaja zajmałasia razdrobnym handlem. Adtul pierajšoŭ u TAA «Ekspatechpram» i TAA «PramPošuk», jakija śpiecyjalizavalisia na aptovym handli niecharčovymi tavarami.
U kastryčniku 2018 hoda Alaksandr zarehistravaŭsia jak indyvidualny pradprymalnik. U jakaści asnoŭnaha vidu dziejnaści jon abraŭ kampjutarnaje prahramavańnie. Heta davoli redki i natchnialny vypadak — Katlaniku tady było 65 hadoŭ.
U žyćci Alaksandr karystaŭsia biełaruskaj movaj — prynamsi, pry kantaktavańni ŭ internecie i padčas zamoŭ u internet-kramach.
Adnak pracu i spakojnaje žyćcio pierapyniŭ palityčny pieraśled. Minski haradski sud asudziŭ Alaksandra pavodle č. 3 art. 361 (zakliki da dziejańniaŭ na škodu nacyjanalnaj biaśpiecy) i č. 3 art. 361‑1 (udzieł u ekstremisckim farmavańni). Jamu pahražała da 12 hadoŭ kałonii.
Ciapier pažyły prahramist za kratami. Jamu prysudzili kałoniju, ale termin i akaličnaści spravy nieviadomyja.
«Naša Niva» — bastyjon biełaruščyny
PADTRYMAĆ
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Sankcii NIKAK nie skazyvajutsia na ličnom błahopołučii tarakana i jeho siemiejki. Fakt.
I napośledok: ludiej sažali pačkami do toho kak SŠA načali pieriehovory s łukašistami. Pri etom počti nikoho nie vypuskali. Feel the difference.
Rieziumie: vaši prohony - nabor pustych łozunhov, rassčitannych na obyvatielej, hubošlopov i nieadiekvatov.