Žonka treniera Rečyckaj DIUSŠ-2 zahinuła pry atacy dronam aŭtobusa ź dziaćmi ŭ Branskaj vobłaści
Žančyna supravadžała małych futbalistaŭ u pajezdcy na adpačynak u Hielendžyk. Pra jaje śmierć paviedamiła vydańnie Times.by.
Pa infarmacyi vydańnia, na adpačynak jechali 11‑12 hadovyja dzieci, jakija źjaŭlajucca vychavancami dziciača-junackich spartyŭnych škoł Homiela i Rečycy.
Takija pajezdki na azdaraŭleńnie ładzilisia štohod, i hetym razam spartsmieny nakiroŭvalisia na adpačynak u Hielendžyk.
Žurnalisty taksama daviedalisia pra asobu zahinułaj žančyny, jakaja supravadžała kamandu. Heta žonka treniera Rečyckaj DIUSŠ-2.
Usiaho paśla zdareńnia byli špitalizavanyja siem čałaviek. Adno dzicia, što trapiła pad abstreł u Branskaj vobłaści, znachodzicca ŭ ciažkim stanie.
Dron prylacieŭ u aŭtobus kamandy DIUSŠ №2 Rečycy, jakuju pavieźli na adpačynak u Hielendžyk u Krasnadarskim krai Rasii.
Pavodle paviedamleńnia kiraŭnika Branskaj vobłaści Jahora Kavalčuka, u aŭtobusie jechała dziciačaja futbolnaja kamanda.
Aŭtobus jechaŭ pa trasie Homiel — Bransk. U vyniku vybuchu zahinuła žančyna, jakaja supravadžała dziaciej.
Miascovyja ŭłady zajaŭlajuć, što ŭsich paciarpiełych apieratyŭna dastavili ŭ balnicu, dzie miedyki akazvajuć im nieabchodnuju dapamohu. Pra stan paranienych dziaciej pakul nie viadoma.
U aŭtobusie znachodzilisia 44 pasažyry, u tym liku 28 dziaciej, paviedamlaje SK RF.
«Astatnija pasažyry ŭ bližejšy čas buduć viernutyja dadomu», — havorycca ŭ paviedamleńni.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ4
Kamientary