Kolkaść abortaŭ u Biełarusi abnaviła histaryčny minimum. Ale na Mahiloŭščynie ich usio bolš
Kolkaść abortaŭ u krainie skaraciłasia ŭ 20 razoŭ u paraŭnańni z 1990-m.
U 2025 hodzie ŭ Biełarusi zrabili 13 679 abortaŭ — na 5,3% mienš, čym hodam raniej (14 444). Heta novy histaryčny minimum: pakazčyk źnižajecca štohod na praciahu niekalkich dziesiacihodździaŭ. Takija danyja apublikavaŭ Biełstat.
Dla paraŭnańnia, u 2010 hodzie było 33,3 tysiačy, u 2019‑m — 21,3 tysiačy. U paraŭnańni z 1990 hodam kolkaść abortaŭ skaraciłasia prykładna ŭ 20 razoŭ.
Adnak ahulnaje źnižeńnie nieraŭnamiernaje pa rehijonach. Najbolš skaracili pakazčyk Viciebskaja (—19,0%, z 2506 da 2029) i Homielskaja (—18,1%, z 3379 da 2769) vobłaści.
U toj ža čas Mahiloŭskaja vobłaść pajšła suprać ahulnaj tendencyi — rost na 16,6% (z 1538 da 1793).
Prykmietna vyras pakazčyk i ŭ Minsku — na 8,9% (z 2451 da 2668).
Minskaja vobłaść źniziła ličbu na 10,4%, Bresckaja zastałasia praktyčna bieź źmienaŭ (—0,3%), Hrodzienskaja — taksama amal niaźmiennaja (+0,2%).
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Kamientary